Gode grasbaner, lang erfaring som arrangør og eit tett og oversiktleg arrangement, er nokre av grunnane til at mange lag kjem tilbake år etter år.
 

Kampane vert spela på Sogndal fotball sitt treningssenter på Hafslo, Fosshaugane, Kaupanger og i Gaupne. Dette gir eit tett og oversiktleg arrangement der det gode og trygge turneringsmiljøet står i fokus.  All transport til og frå banene og skulane brukt til overnatting er gratis og går etter eige rutesystem.
 

Sogndal er med sine knappe 7000 innbyggjarar og 2000 studentar regionsenteret i Indre Sogn. Her finn du eit yrande folkeliv og eit godt utval i butikkar. Med Sognefjorden, brear, stavkyrkjer og andre turistmagnetar i nærleiken finn du i Sogndal og Luster eit godt utval i overnattingsstader. Men ver tidleg ute, det er mange om beinet!