DELTAKING:
Innbydinga går til alle lag i kretsane; Sogn og Fjordane, Hordaland, Sunnmøre, Oppland,
Indre Østland og Buskerud.
REGLEMENT:
Lerum Cup vert avvikla med reine årsklassar, etter NFF sitt regelverk.
SPELETIDER / BANER
Alle kampane, både innleiande og sluttspel-kampar er på 2x20 min., og vert spela på
grasbaner/kunstgrasbaner. Smågutar 11-ar fotball vert spela på store baner i Sogndal, Hafslo og Kaupanger.
Småjenter 11-ar fotball vert spela på store baner i Gaupne.
Lillegut/lillejenter (7-ar fotball) vert spela på Hafslo. Småjenter/smågutar (7-ar fotball)
vert spela på Hafslo og Kaupanger.
All transport mellom banene og skulane brukt til overnatting er gratis og går etter eigen
ruteplan, med omlag 1 times intervallar.
Kampar for lillejenter/lillegutar
Lag i klassane lillejenter, lillegutar spelar 5 kampar kvar. Det vert miksa fritt utan
puljeinndeling, men med reine årsklassar. Kampane vert fordelt på alle tre dagane.
INNLEIANDE KAMPAR SMÅGUTT/SMÅJENTER
Klassane vert inndelt i puljar på 4 lag (i einskilde høve 5 lag). Puljane spelar enkel serie. Kor mange lag som går vidare avheng av kor mange lag som er påmelde i dei forskjellige klassane. Omlag halvparten går vidare til A-sluttspelet, medan omlag 1/4 går til B-sluttspelet. Kampane startar fredag 29. juni kl. 08.00 og vert spela parallelt på banene i Sogndal, Kaupanger, Hafslo og Gaupne.
Alle lag får spele minimum 3 kampar fordelt på fredag og laurdag.
SLUTTSPEL
Sluttspelet vert spelt etter cupsystemet og startar laurdag midt på dagen. Finalane vert avvikla sundag 1. juli, innan kl. 16.00 på Hafslo Treningssenter, med premieutdeling etter kvart som finalane er ferdig spela.